Þá er ég vöknuð aftur til lífsins, eftir langvarandi slen og mæðu, sem eitthvað tengist ofáti á blóðþrýstingslækkandi lyfjum sem virkuðu svo rækilega að ég var var aldrei í stuði til að lifa, vildi bara sitja með hendur í skauti, eða sofa.
Nú er vika síðan ég hætti að innbyrða mestanpart af þessum lyfjum og það er eina og við manninn mælt að nú er lífið svo miklu bjartara og betra.
Á þessu nýbyrjaða ári ákvað ég að taka á leigu vinnustofu með annari konu og hugsaði gott til skapandi stunda í minni eigin vinnustofu!
Skemmst er frá því að segja að vegna þessa slappleika útaf lyfjaofáti hef ég nánast ekki verið þar nema í mýflugumynd.
En nú verður hæg breyting í rétta átt og meiningin er að fylla þarna allt af þessum flottu málverkum og myndum eftir mig.
Í gær fjárfesti ég í einni rándýrri túbu af olíulit „Old Holland Bright Violet“ og fyrst um sinn verður allt kannski dáldið mikið bright violet svona meðan túban endist.
Einnig keypti ég óguðlega dýran striga til að mála á, og þarf að strekkja þann striga á blindramma í dag. 🙂
aslaugbenediktsdottir 
Ég hlakka til að sjá meira frá þér frænka mín. Yndislegar myndir.
Takk fyrir að vera svona uppörvandi alltaf frænka mín. 🙂
Gott að fá að fylgjast með listsköpun þinni Hef alltaf verið dyggur aðdáandi, eins og þú veist Vona að þér heilsist vel með hækkandi sól og birtu!!
Takk elsku Helga mín fyrir fallegu orðin þín alltaf. Ég er nú líka dyggur aðdáandi þinn fyrir svo ótal hlluti! Og heilsan ákvað að standa með mér ég er bara stálslegin.